Mae’r llyfr hwn yn bwrw golwg fanwl dros rai materion iechyd meddwl cyffredin sy’n effeithio ar fywydau plant heddiw. Gan weithio i fynd i’r afael â materion iechyd meddwl a dileu’r stigma sydd ynghlwm wrthyn nhw, mae’r llyfr creadigol a ffeithiol hwn yn archwilio cyflyrau iechyd meddwl cyffredin a’r profiad o fyw gyda nhw.

Gall darllenwyr ddysgu am achosion, symptomau a strategaethau ymdopi ymarferol gan gynnwys meddylgarwch, therapïau siarad a phryd i ofyn am gymorth proffesiynol. Rydyn ni’n edrych ar sut i ofalu am dy iechyd meddwl dy hun a chefnogi eraill o dy gwmpas.