Age 5-7 | Hardback | 36 pages | 250 x 250mm
Publication July 2019 | ISBN 9781912929030
Tá iontas an domhain ar Mhuireann agus ar Dhónall nuair a thagann siad ar mhíol mór ar an trá.
Taispeánann Daidí dóibh an dóigh le cúram a thabhairt don mhíol mhór agus iad ag fanacht leis an lán mara theacht isteach. Oibríonn na páistí agus a gcairde le chéile chun í a choinneáil fliuch fionnuar agus chun díog a thochailt fúithi. Ceolann Muireann lena suaimhniú. Ach an éireoidh leo an míol mór a thabhairt slán?
An dara leabhar sa tsraith a thosaigh leis an leabhar ardiomrá, Muireann agus an Fharraige Fhiáin. Scéal álainn arna scríobh agus arna mhaisiú ag beirt mháistrí.
Le Malachy Doyle agus Andrew Whitson.
- Muireann agus an Fharraige Fhiáin
- Muireann agus an Míol Mór
- Muireann agus an Dianghlasáil
- Muireann agus an Teach Solais
Tá i bhfad níos mó ná 100 leabhar foilsithe ag Malachy Doyle, ó phreableabhair do naíonáin go húrscéalta réalaíocha do dhéagóirí. Is iomaí duais liteartha atá bainte aige thar na blianta agus tá a chuid saothar ar fáil i gcorradh le tríocha teanga éagsúil.
Chomh maith leis an chéad dá leabhar i sraith ‘Muireann’, Muireann agus an Fharraige Fhiáin agus Muireann agus an Míol Mór, ar na leabhair eile is déanaí leis tá The Miracle of Hanukkah, Rama and Sita, Jack and the Jungle agus Big Bad Biteasaurus (Bloomsbury), Fug and the Thumps (Firefly Press), Cinderfella (Walker Books) agus Ootch Cootch (Graffeg), atá masithe ag a iníon, Hannah Doyle.
Béal Feirsteach ó dhúchas é Andrew Whitson, ealaíontóir a bhfuil duaiseanna bainte aige agus arb é an tUasal Ando an t-ainm is rogha leis. Faoina ainm féin, tá breis agus 20 leabhar maisithe ag an Uasal Ando. Ar na cinn is déanaí, tá sraith ‘Muireann’, i gcomhar le Malachy Doyle, agus sraith mhóriomrá ‘Rita’, i gcomhar le Máire Zepf.