Dewch i gyfarfod Dezzy'r niwron! Mae Dezzy'n danfon negeseuon i ymennydd Sophie i'w helpu i gwblhau gweithgareddau penodol. Ond weithiau, pan fydd Sophie yn darllen, bydd y llythrennau a'r geiriau yn ymddangos wedi'u cymysgu. Mae gan Sophie ddyslecsia. Dewch i ddarganfod mwy am Dezzy, am ddyslecsia ac am y ffordd y mae'n effeithio ar Sophie yn y llyfr ffeithiol, cryno hwn am niwronau a dyslecsia.

Dywed Marielle Bayliss, ‘Cefais ddiagnosis o epilepsi yn 15 oed a rhoddwyd pamffled sych iawn i mi. Dyna oedd y cyfan. Tua 30 mlynedd yn ddiweddarach penderfynais ysgrifennu am niwroamrywiaeth er mwyn chwalu’r stigma a’r mythau mewn ffordd hwyliog ac addysgiadol.’

Dywed Kellyanne Thorne, ‘Cafodd fy mab hynaf ddiagnosis o awtistiaeth ac ACD sawl blwyddyn yn ôl. Rwy’n credu, er y gall bod yn niwroamrywiol ddod â heriau gydag ef, y gall hefyd fod yn archbŵer! Mae’n hanfodol cael adnoddau a all nid yn unig gefnogi
pobl sy’n niwroamrywiol ond hefyd i ddarparu gwybodaeth i’r rhai sy’n niwronodweddiadol. Mae’r gyfres llyfrau yma yn gwneud hyn mewn dull hwyliog, lliwgar a chefnogol gyda’r nod o roi dealltwriaeth i’w
darllenwyr.’