Dewch i ddysgu am Enzo y niwron, sut mae'n ein helpu ni a beth sy'n digwydd pan gaiff rhywun ataliad. Dyma lyfryn llun-a-thestun cryno, llawn gwybodaeth sy'n edrych ar niwronau ac epilepsi.

Dywed Marielle Bayliss, ‘Cefais ddiagnosis o epilepsi yn 15 oed a rhoddwyd pamffled sych iawn i mi. Dyna oedd y cyfan. Tua 30 mlynedd yn ddiweddarach penderfynais ysgrifennu am niwroamrywiaeth er mwyn chwalu’r stigma a’r mythau mewn ffordd hwyliog ac addysgiadol.’

Dywed Kellyanne Thorne, ‘Cafodd fy mab hynaf ddiagnosis o awtistiaeth ac ACD sawl blwyddyn yn ôl. Rwy’n credu, er y gall bod yn niwroamrywiol ddod â heriau gydag ef, y gall hefyd fod yn archbŵer! Mae’n hanfodol cael adnoddau a all nid yn unig gefnogi
pobl sy’n niwroamrywiol ond hefyd i ddarparu gwybodaeth i’r rhai sy’n niwronodweddiadol. Mae’r gyfres llyfrau yma yn gwneud hyn mewn dull hwyliog, lliwgar a chefnogol gyda’r nod o roi dealltwriaeth i’w
darllenwyr.’