Dewch i gyfarfod Tootz y niwron! Mae Tootz yn helpu gyda phopeth a wna'r corff, ond weithiau gall y corff wneud symudiadau afreolaidd a gwneud seiniau a elwir yn ticiau os oes gennych Syndrom Tourette. Dewch i ddysgu mwy am Tootz, am ei ffrindiau niwron ac am yr hyn sy'n digwydd pan fo rhywun yn byw gyda thiciau yn y llyfr ffeithiol a chryno hwn am niwronau a syndrom Tourette.

Dywed Marielle Bayliss, ‘Cefais ddiagnosis o epilepsi yn 15 oed a rhoddwyd pamffled sych iawn i mi. Dyna oedd y cyfan. Tua 30 mlynedd yn ddiweddarach penderfynais ysgrifennu am niwroamrywiaeth er mwyn chwalu’r stigma a’r mythau mewn ffordd hwyliog ac addysgiadol.’

Dywed Kellyanne Thorne, ‘Cafodd fy mab hynaf ddiagnosis o awtistiaeth ac ACD sawl blwyddyn yn ôl. Rwy’n credu, er y gall bod yn niwroamrywiol ddod â heriau gydag ef, y gall hefyd fod yn archbŵer! Mae’n hanfodol cael adnoddau a all nid yn unig gefnogi
pobl sy’n niwroamrywiol ond hefyd i ddarparu gwybodaeth i’r rhai sy’n niwronodweddiadol. Mae’r gyfres llyfrau yma yn gwneud hyn mewn dull hwyliog, lliwgar a chefnogol gyda’r nod o roi dealltwriaeth i’w
darllenwyr.’